حدوتة و شعر : لـوحدي ( القمر )

شُفت القمر .. حلو أوي .. دايماً منور مع إنه وحيد و مفيش قمراية كده معاه .. بيفضل يتفرج علي الشمس و الكواكب كده من بـعيــــــــد أوي .. و النجوم تقوله هــاجي .. و منها يوعد و ميوفيش .. ومنها اللي بتجرحه و بتسيب أثر فيه .. بس برضه بينور مهما إنجرح و إتكسر .. ساعات بيختفي و يكون مكسوف نشوف جرحه .. فيبان نصه و ساعات كُله .. و ساعات ميبقاش موجود .. بس برضه بينور .. و نار الشمس بتزيد من نوره .. 

أنـا القمر ..
عايش كده من بعيد لـ بعيد ..
تملي وحيد ويّا النجوم ..
بنام و أقوم علي التنهيد ..
الشمس تضحك من بعيد ..
لكني لسه برضه وحيد ..
حتي الكواكب و النجوم ..
بقت تلوم علي حزني و وحدتي أكيد ..
بهرب ساعات لكني وسط الليل وحيد ..
أنــا 100 حبيب وصفوني شعر في حبهم ..
و لسه برضه أنـا في الشعر وحيد ..
ده أنـا القمر وقالوا عني كتير حواديت ..
لكني وحيد .. 

 لـِ شيري محمد

نـهاية " سحر إسود "

الحلقة 13 من سحر إسود !

كان لازم أوافق عشان معنديش إختيار .. دخلت الأوضة .. و قفلت الباب بالمفتاح .. و حطيت وراه كرسي .. و نمت ع الكنبة و فـضلت أفكر في كُل اللي بيحصـل لحد ما رُحت في النوم .. و بدأت أشوف حاجات غريبة .. و أحس بحاجات أغرب .. شُفتهم قاعدين قربت منهم عشان أسمع .. إتفاجأت بالناس الموجودة كـــانوا جيري .. و عم مصطفي .. و ست مش شايفة وشها .. وراجل معرفوش  .. لابسين لبس زمان ..

الست بصوت عالي : إنتي عايزة إيه من ولادنا .. ما تسيبينا في حالنا بقي ..
جيري ببرود : إنتوا اللي جيبتوني و اللي يحضر العفريت لازم يصرفه .. ولا إيه يا كمال .. 

كمال : سيبي الولاد في حالهم يا جيريمان .. كفاية أوي اللي حصل بسببك .. إحنا مش هنعيش في قرفك ده طول حياتنا ..
جيري بعصبية : أنـا متعلمتش كل ده بمزاجي .. أنـا عرفته عن طريق ماما .. ماما يا كمال ولا نسيتها .. 

كمال : منسيتش حاجة .. و عمر ما أمي كانت زيك أبداً .. إنتي شيطان .. و كل اللي عملته أمي إنها حاولت تحمينا منكـ .. إنتي إزاي أختنا ..
جيري : الأولاد .. قدامكوا إسبوع و الولد و البنت يكونوا عندي .. و إلا .. هاخدهم بطريقتي ..

الست : هبلغ عنك البوليس و هيجوا يقبضوا عليكي ..
جيري : خليهم يدخلوا هناكـ و يبقي إعملولهم العزا علي حسابكـ .. سـلام .. و الولد و البنت هاخدهم يعني هاخدهم ..

و قامت جيري و سابت المكان و مشيت .. 

الست و هي منهارة : هعمل إيه يا كمال .. مبقتش عارفة أعمل إيه :'( 
عم مصطفي : أنـا قلتلكوا بلاش السكة دي .. آدي النتيجة .. الولد و البنت هيروحوا من إيدكوا .. زي ما راح جيريمان و جميل .. 

الست : يا عم مصطفي أمي كانت دايماً تقول ده اللي هيربطهم ببعض و يحميهم .. ليه حصل كُل ده .. 
عم مصطفي : عشان ده طريق غلط و خطر .. و ملهوش آمان .. ده سحر و مش أي سحر .. ده إسود و من سواده كل اللي دخلوا فيه إتعموا ! 

كمال : و العمل إيه دلوقتي .. العيال هيضيعوا لو جيريمان خدتهم .. هنحميهم إزاي؟ 
عم مصطفي : نوديهم القصر القديم .. 

الست : و لو قدرت توصلهم هناك هنعمل إيه ؟!
عم مصطفي : يبقي مفيش غير حل واحد .. 
كمال و الست : إيه هو ؟! 

عم مصطفي : ندخل بيهم هناكـ .. و نحبسها جوه .. و نخرج إحنا .. 
الست : و .. ولو ملحقناش نخرج .. ؟! 
عم مصطفي : المهم الولاد تخرج .. ولا إيه .. ؟! 
كمال : أيوة المهم الولاد تخرج .. 
عم مصطفي : يبقي هو ده اللي الحل الوحيد ..

و بعد كده سمعت صوت أطفال بتعيط .. و قامت الست بسرعة عشان تشفوهم .. أول ما شوفت وش الست إتفزعت .. دي .. دي ........

الحلقة 12 من سحر إسود

فـرحت أوي إن صاصو هيحكيلي .. قعدت قدامه وبدأ يحكي ..

صـاصو " إسـمي مصطفي كمال .. والدي متوفي من و أنـا صغير .. مــات في حادثة كـبيرة أوي .. كُنت أنـا براعي أهلي .. و ... ""
مـي " أيوة و بتصرف عليهم .. سوري يعني إيه دخل ده باللي بيحـصل ؟! "
صـاصو " مـا هو لولا أبويا مات و الست ماتوا في الحادثة مكانش ده هيحصـل .. همّ السبب في كُل اللي بيحـصل "
مـي " سـت مين .. و إيه علاقة ده بيا "

لقيت صاصو سكت خــــــــــــآلص .. و قالي " شششش .. متتكلميش خـالص .. إدخلي الأوضة اللي كُنتي بتغيري فيها و إقفلي علي نفسكـ .. أوعي تفتحي لأي حد مهما حصـل .. متفتحيش غير لما أقولكـ .. بـسرعة "
أنـا خُفت أوي فعلاً و دخلت و قفلت علي نفسي .. وقفت ورا الباب حاولت أسمع أي صوت بره .. كان كُل اللي موجود سكــووووت .. قعدت علي كنبة شكلها مش غريب عليا .. سرحت شوية و بعد كده لقيت نفسي في مكان تـاني .. بنت صغيرة عُمرها سنة تقريباً .. و ست قاعدة جنبها .. بس مش شايفة وشها .. و راجل واقف "

الست " إيه يا عم مصطفي .. لقيت حل .. أنـا خايفة أوي عليها .. أقعد الأول .. و كمال خايف علي إبنه .. اللي بيحصل ده مش طبيعي"
الراجل (عم مصطفي) " مـبلاش يا بنتي الموضوع ده .. أنـا خايف عليكي و علي بنتكـ .. أمكـ وصتني أبعدكـ عن السكة دي .. بلاش يا بنتي تودي نفسكـ سكة ملهاش رجعة .. وبلاش كمال أخوكي يدخل كمان في الموضوع ده "
الست " لـو هدفع حيـاتي عشانها .. هعمل كده .. دي الوحيدة وسط إخواتها اللي بيحصل معاها كده .. و مش هسيبها تأذيها "
الخدامة بتجري عليها و بتقول " ستي جيـريمان هـانم ع التليفون .. "
الست في فزع " جيريمان مين "
الخدامة " بتقـول إنها أُخت حضرتكـ "

لسه الست هتتقوم ترد .. فقت علي خبطة عالية أوي من بره .. قربت من الباب و سمعت صوت عـالي و بعد كده لقيت خبط علي كُل أبواب البيت من جوه .. و فجـأة سِكت صوت الخبط .. و سمعت صوت جيري بيقول " كُله يطلع بره إلا صاصو "
بعد دقائق سمعت جيري بتزعق و مع زعيقها إتهزت كُل حاجة حواليا " إنت إتجننت .. عايز تمـوت إنت كمان .. غـبي .. راحت فين ؟!"
صـاصو بصوت متقطع " مـ مـــي " .. و صوته يعلي أكتير .. " مـــــــــــــــــــــــــــــــي "
في اللحظة دي فتحت الباب و جريت علي بره .. لقيته واقع ع الأرض و وشه مليان دم .. و جيري واقفة تتفرج عليه ..
جيـري " خـلي بالكـ بعد كده .. أنـا مش فاضية أنقذكـ في كُل مرة .. " و بصـتلي و قالتلي في قرف " ساعديه و نضي الدم ده "
و خـرجت من الباب .. و قفلته وراها .. ساعدت صاصو إنه يقـوم .. و نضفتله وشه

مـي " مصطفي إيه اللي حصل .. أنـا مش فاهمة حاجة .. و مين الست اللي قُلت عنها .. هي الست اللي أنـا شُفتها و أنـا جوه ؟! و يا تري عم مصطفي ده مين هو كمان ؟! و يا تري كمال أخوها ده هو باباكـ ؟ "
صـاصو في فرحة مش فهماها " إنتي شفتيهم ؟ " 
مـي " آه شفتهم .. مش أوي شُفت عم مصطفي و الخدامة .. و ظهر الست .. بس " ..
" شوفتي إيه .. إحكيلي بالتفصيل .. بسرعة "
و حكيت لصـاصو اللي شفته .. و كــان فرحـان كده .. فرحة طفل باباه جابله كُل حاجة بيحبها .. 
مـي " صــاصو .. "
" نعــم "
" أنــا عايزة أروح البيت بقي .. أنـا تعبانة و نفسي أنـام "
" أنـا آسف يا مي .. بس إحنـا هنبات هنا النهارده .. مش هينفع نمشي بالليل من هنا خــالص "
" لــيه بس .. ممكــن .. "
قاطعني و قال في حزم " مــي صدقيني النهارده مينفعش نمشي .. "
" بس أنـا خايفة أوي من المكان ده "
قال في حنـان أب لـ بنته " متخافيش .. أنـا معاكي .. إدخلي الأوضة اللي كُنتي فيها و إقفلي علي نفسك كويس .. و أنـا قاعد هنا مش هتحركـ .."
" طب ما تخرجني أشوف المكان هنا "
" و الله كُنت ناوي علي كده .. عشان كده إديتكـ اللبس ده .. بس للأسف مش هينفع خلاص .. معلش يا مي نامي دلوقتي و الصبح هعملكـ كُل حاجة "
كان لازم أوافق عشان معنديش إختيار .. دخلت الأوضة .. و قفلت الباب بالمفتاح .. و حطيت وراه كرسي .. و نمت ع الكنبة و فـضلت أفكر في كُل اللي بيحصـل لحد ما رُحت في النوم .. و بدأت أشوف حاجات غريبة .. و أحس بحاجات أغرب .. شُفتهم قاعدين قربت منهم عشان أسمع .. إتفاجأت بالناس الموجودة كـــانوا .. .. .. .. ..  

الحلقة 11 من سحر إسود

مي : نعم .. مش فاهمة .. !!
لارا بتفقد أعصابها و بتصرخ بصوت عالي " إنتي السبب .. إنتي السبب "

دخلت الممرضات عشان يهدوها و خرجوني بره .. أنـا السبب .. إزاي .. معرفتش أعمل إيه .. لقيت كُل الناس بتبصلي مع كلمة لارا
" و رحمة شريف اللي قتلتيه يا مي هقتلكـ " .. و مع الكلمة خرجت أجري مـ المستشفي .. خرجت و فضلت أجري أجري أجري .. جريت كتير أوي .. لغاية .. " أنــا فين !! " أنـا في مكـان ضلمة .. مش عارفاه .. فـاضي .. مفيهوش حد غيري .. نزلت علي رُكبتي .. و غطيت وشي بإيدي و قُلت بصـوت واطي أوي

" هو إيه اللي بيحـصل ده " .. و بدأت أعيط بصوت عالي .. و فجأة سمعت صوت عارفاه كوبس أوي ..
 " إعتبريه سحر " .. من غير مـا أشيل إيدي من علي وشي همست و قُلت " جـيري "
جيـري " مُفاجآة مش كده .. ههاهاهاهاهاهاهاهاهاهاهاها "
وقفت و عدلت نفسي .. و مسحت دموعي .. و قُلت في سُخرية
مي " أبداُ خالص .. ده أنا حتي مستنياكي " و بصيت وراها و قُلت " إنتي و صاصو .. ممكن تفهميني إيه اللي بيحصل "
جيري " لسه مش جاهزة .. "
" وهجهز إمتي "
" معرفش .. علي حسب .. "
" علي حسب إيه ؟! .. و لــيه بشوف اللي بشوفه ده .. و إنتي مين "
" ميرو .. حبيبتي .. إنتي هنا بتسمعي الكلام و بس .. متسأليش "

و لسه هـتكلم و هرد عليها .. لقيت صاصو بيشاورلي إني أسكت من غير ما جيري تاخد بالها .. فــ سكِت ..
جيري " صاصو ..  خُدها إديها لبس و ظبطها .. مش عايزة حد ياخد باله .. و متبقاش غبي زي اللي قبلكـ "
بص صاصو لجـيري في خوف و قال " حـ حـاضر .. "

مد صاصو إيديه ليا عشان أقوم معاه .. هو ده الولد الطيب اللي شُفته في المطعم .. اللي عينيه مليانه خوف و طيبة .. و حُب كبير أوي .. مديت إيدي و مسكت إيده .. كانت أول مرة أي ولد يمسكـ إيدي .. بس مكنتش خايفة .. حسيت بالأمان .. بس اللي مش فاهماه .. ليه واحد طيب أوي كده متورط مع جيري في حاجة مؤذية زي السحر .. و ليه خايف منها و بيسمع كلامها ..

دخلنا في شوراع ضيقة جداً و كُل شوية بتضيق .. و بعد كده خدني صاصو و دخلنا في بيت قديم أوي .. و ضيق أوي .. مشينا في طرقة طويلة و ضيقة و وصلنا لباب صغير .. إداني صاصو جاكيت و كاب لونهم أسود و خلاني ألبسهم و شاورلي عشان أعدي من الباب .. كان لازم أوطي عشان أقدر أدخل فيه .. دخلت فيه لقيت نفسي في شارع واسع .. و فيّ ناس كُلهم شبه جيري .. نفس الإستايل الإسود المخيف و المقرف أحياناً للـ الإيمو ..

صـاصو " أهـلاً بيكـي في مدينتنا المتواضعة .. " سحـر إسود "
مسكني صاصو من إيدي .. و مشي قُدامي .. و أنـا ماشية مذهولة من المكان حواليا .. المكان مش من القرن ده .. تحس إنه من أيام البشوات بتوع زمان .. زمان أوي كمان .. و إحنـا ماشيين كان في لوحة في ميدان واسع مكتـوب عليها كلام بس حد معدل عليه و بقي مكتوب " مرحباً بيكم في مدينة السحر الأسود Welcome Devils " ..

آخدني صاصو لبـيت كبير أوي .. و فتح الباب و دخل و قفل الباب بأقفال كتير مش عارفة ليه بالظبط .. و طلع هو الدور التاني .. و أنــا فضولي طبعاً خلاني أتفرج ع المكان .. الشبابيكـ كُلها عليها ستاير غامقة و طويلة و تقيلة أوي .. و الشبابيكـ عليها أقـفال كتير و شكلها متفتحتش من زمـان أوي .. نزل صاصو بهدوم و مكياج .. و قالي
 " طبعاً إنتي عارفة هتعملي إيه .. بلاش تطلعي فوق .. إدخلي الأوضة اللي وراكي دي أحسن مكان ليكي .. و أنـا هستناكي هنا "
مي " أوك يا صاصو "
و أنـا ماشية وقفني و قالي " إوعي تفتحي أي شبـاكـ أو ستارة .. و متطلعيش الدور التاني أبداً غير و أنـا معاكي "
قُلت بإستغراب " حــاضر "
و دخلت و غيرت و خرجت و عملت مكياج زي بتاع الإيمو .. لقيت صاصو قاعد بره و ماسكـ صورة فـي إيده .. شالها في جيبه أوي مـا شافني ..
مي " صـاصـو .. ممكن تفهمني إيه اللي بيحصل "
صاصو " هفهمكـ .. بس متقوليلهاش إني قُلتلكـ "
" حـاضر .. فهمني .. "
صــاصو " بصــي يا ستي " ...............................................

الحلقة 10 من سحر إسود

هـو .. أيوة هو .. الولد اللي شُفته لما لارا بصـتلي .. مين ده ؟!

مي : مين ده يا لوكـا ؟!
لارا :" لارا الله يحرقكـ .. ده شريف صديق قديم .. و قريب أوي هيبقي خطيبي .. شريف دي بقي تبقي مي صاحبتي .. "

شريف : " إتشرفت بمعرفة حضرتكـ .. أنـا همشي بقى يا لولو .. وهجيلك بكرة عشان ورايا شغل زي ما انتي عارفة .. "
لارا : " عارفة يا حبيبي .. روح عشان متتأخرش يلا .. خليّ بالكـ من نفسكـ .. "
شريف : " حـاضر يا حبيبتي .. فٌرصة سعيدة يا آنسة مي .. حلوة أوي العدسات اللي حضرتك لابساها "
مي : " أنـا أسعد .. " صمت لـ لحظه كان تقريباً خرج فيها و قُلت بصـوت واطي
 " أنـا مش لابسه عدسات أصـلاً "

مي بشرود : مين ده يا لارا ؟
و فـضلت تحكي لارا مين ده .. بس أنـا مكنتش مركزة معاها .. كُنت سرحانة .. لقيتني قاعدة في عربية جنب واحد .. واحد أنا لسه شايفاه حالاً .. شريف ..
مي : شريف .. شريــف .. رُد عليا

مديت إيدي قُدام عينه محسش بيا ولا شافني .. أنا بس اللي شايفاه .. تليفونه رن .. بص عليه و رماه ع الكرسي جنبه .. اللي أنـا قاعده عليه .. مكتوب رقم ع الشاشة حاسة إني عارفاه .. بعد شوية .. و هو بيبص في المراية و بيبص ع الكنبة وراه لقيته بيزعق و بيقول " أعوذ بالله من الشيطان الرجيـم .. أأعوذ بالله من الشيطان الرجيم "

ببُص في المراية متفاجئتش خالص .. أكيد عارفين مين .. جيري .. بإبتسامتها الخبيثة و عيونها البارده .. بس فجأة الصورة إتغيريت .. دي أنـا .. أنــا بنفس عيون جيري .. إتفزعت فعلاً .. و رنت في وداني كلمه " حلوة أوي العدسات اللي حضرتك لابساها "  و لسه شريف باصص في المراية و الفزع هيموته .. فجأة ببص قدامي لقيت عربية جاية علينا .. و صرخت بصــوت عـالي " حـــــــاسب "

لارا : مالكـ يا مي في إيه .. ؟! هو مين ده اللي يحاسب ؟! 
مـي : ممفيش .. كابوس تقريباً .. 

و سرحت تاني .. أنــا كُنت بعمل إيه في الحادثة .. هو ده حصـل بجد .. فجأة سمعت ضحكة جيري بترن في المكان .. و التليفون رن و ردت لارا .. سابت التليفون و بصتلي و قالتلي : " إنتي السبب " .. !!!

الحلقة 9 من سحر إسود

فضــلت أشخبط في الورق و مش عارفة أنـا برسم إيه ..
بعد شوية .. الأكل جه .. صاصو هو اللي كان جايبه مع إني حاسة إن ده مش شُغله ..
بصــيت للرسمة اللي رسمتها .. و بص صاصو للرسمة .. بعد كده بصينا لبعض و سكتنا من الذهول .. الرسمة كـانت لجيري .. مكانش ده اللي مخلينا مذهولين .. السبب كـان إن الصورة بتتحرك .. و بتبُصــلنا و بتبتسـم إبـتسامتها الخـبيثة .. شد صاصو الورقة و قطعها و رماها و قال بسرعة :
 " إوعي تعملي كده تاني "

و سـابني و مشـي .. فــضلت سرحانة و تـقريباً ملمستش الأكل .. خرجت من المحل و أنـا جوايا فـضول أكتر من الخوف .. إيه السبب اللي يخلي صاصو مع جيري وهو مختلف عنها .. ليه هو خايف منها .. ليه صورتها كانت بتتحرك .. ليه سألنا بعض إن كُنا بنلبس عدسات .. ليه كُل ده بيحـصل ..

فضــلت ألف و ألف بالعربية لغاية مـ الليل دخل .. لقيتني واقفة قدام القصر القديم .. شٌفت صاصو و هو داخل .. قربت منه بس هو مشافنيش .. ناديت عليه مسمعنيش .. جيت ألمس كتفه .. لقيته طار من مكانه و هو بيترعش ..

صــاصو " كـُ .. كُنت فاكرك جيري ؟ "
مـي " هي فين جيري ؟ "
صــاصو " مـ مــش عارف ! "

قالها و سابني صاصو و دخل القصر .. دخلت وراه .. إختفي لدقايق و رجع باللبس الإسود و الكُحل .. شكله إيمو .. صاصو اللي أعرفه .. مش مصطفي اللي شٌفته الصُبح .. قعد قُدامي و كان بيبصلي بخوف و قلق .. و كأنه بيقولي ليه .. او بيحاول يوصلي حاجة بـ عينيه .. عينيه زي ما هي .. فيها براءة .. أمـل .. و خوف .. بعد شوية سمعت صوت حد داخل القـصر .. هو هو نفس الوقت اللي حسيت بالخوف و أنا مركزة في عين .. حسيت بالبرودة .. بس مش زي اللي بحسه لما بشوف عيون جيري .. فجأة لقيت جيري قاعدة بيني و بين صاصو .. و بتقول :

جـيري " روحي لـ لوكا يا ميرو "
مي " لارا .. مالها حصـلها حاجة "
جـيري " لـوكاا .. روحيلها .. أحسـن .. دلوقتي "

و كـأني كُنت مستنياها تقولي إمشي عشان أمـشي .. مش عارفة لـيه بحس بـخوف منها كده .. قبل ما أخرج بصيت لـصاصو في قلق .. و لفيت وشي و خرجت .. ركبت عربيتي و قُلت هطلع ع المسـتشفي .. ببص في المراية لقت جيري .. و فجأة إفتكرت الولد اللي شٌفته لما لارا بصت في عيني .. لما كان مع لارا في المطار بتودعه .. لما كانوا مع بعض في محل الدهب .. بعد كده مع بعض في المطارو لاارا بتعيط .. بعد كده صور سريعة أوي مشوشة .. بعد كده صورة الولد في عربية و ميت .. 

فُقت لقيتني واقفة في وسط الشارع و الناس بتزعق .. كملت طريقي للمستشفي .. و طلعت و أنـا بجري .. أول ما دخلت أوضه لارا .. وقفت في مكاني من الدهشة .. و تقريباً الخوف .. ده بجد ؟ 

قصــة قصيرة " عايش علي الذكري "

قصــة " عايش علي الذكري "

إســـــمعوا الأغنية دي و إنتوا بتقروا القصة :)

واحد قاعد في جنينة و مـاسك صورته مع واحدة و كـانوا بيضحكوا و قدامه صندوق مليان صور و ورق :
هــو : حبيبتي بجد وحشتيني و مش قادر علي البُعد خـلاص .. نفسي ترجعي لحُضني تاني ..
أمـه جاية من وراه : خــلاص إنساها يا إبني .. عيش حياتكـ بقي متقطعش قلبي ..
هو قـام و مشي و هو بيقول في نفسه : كُل يوم نفس الكلمتين .. خلاص حفظتهم .. رجع آخد الصندوق  و الصورة و طلع أوضته .. و حط كُل الصور و الورق علي السرير ..  و قعد يبص علي كُل صورة و يضحك .. و الضحكة إنتهت بدمعة علي خده نزلت بسرعة كأنها هربانة .. نام علي الصور .. و رجع بذاكرته لورا ..
فلآش باكـ ..
هو : حبيبتي .. عايز أقولكـ حاجة :) ؟؟
هي : إممممم .. حاجة حلوة ولا وحشة ؟؟
هو : مش عارف و الله .. أقول ولا أغور ؟؟ :D
هي : قول يا حبيبي طبعاً .. إنت تقول من غير مـا تسأل .. :)
هو : تتجوزيــني ؟؟ :)
هي هزت راسها بمــوافقة :)

فاق من ذاكرته و مسكـ صورة تانية لــيهم مع بعض .. هو بالبدلة و هي بالفستان الأبيض ..
فـلآش بـاك
هو شايلها و بيلف بيها
هـي : نزلني يا مجنون الناس بتتفرج علينا ..
راح منزلها و قال : هخليهم يتفرجوا علينا بجد ..
راح شايلها و خرج بيها من الفرح وسط ضحكات النــاس .. أول مــا وصلوا بيتهم خدها في حُضنه وقالها :
عــارفة .. أنــا بحمد ربنـا إني لقيتكـ .. أنــا أصــلاً بتمناكي من زمان .. من ساعة ما كُنتي بتعزفي مزيكا علي الكمـان .. أول ما شُفتكـ حسيت إني عارفكـ .. قُلت الحمد لله حلمي إتحقق .. و لقيت كُل اللي أنــا عايزه .. و من أول لحظه قلبي حبكـ .. أنــا أصـــلاً بحبك <3

دموع صامتة تنزل من عيونه .. فلآش باك
هي : حبيبي أنــا نازلة رايحة مشوار النهارده ..
هو : طب أنـا هعدي عليكي أوديكي ..
هي : مــاشي يا حبيبي :) .. متتأخرش عليها
هو بيسوق و بيكلمها : معلش يا حبيبتي مسافة السكة و هكون عندك
وصل عندها وركبت إديتله ورقة و قالتله إقراها .. حطها في جيبه و قال هقراها بعدين .. و هو بيسوق سرح .. مفاقش غير علي صوت صرختها : حــــآآسب ..
و هو فعــلاً حـــاسب .. بس دفع التمن غالي أوي ..
هو قاعد في المستشفي و إيده متجبسه .. و قاعد يسأل هي فين .. حد يطمني .. قالوا في العمليات .. قعد يدعي و ينادي يا رب .. بعد كده طلع الورقة من جيبه لقاها مكتوب فيها : بقالك فترة سرحان .. و غريب و كمــان بعيد ..
و قبل ما يمكل الورقة لقاها خرجت من العمليات بس وشها كان متغطي .. قعد يصرخ و ينادي عليها لغاية ما بعدوه عنها .. لاحظ إن إيديها قافلة علي حاجة .. مسكها و فتحها وقعت منها ورقة فتحها لقاها مكتوب عليها " وحشتني "

صحي من ذكرياته علي صوت دموعه .. وفي إيده ورقة وحشتني .. يا خسارة ضاعت حبيبته و حلم عُمره .. أصل صعب تلاقي حاجة بتحلم بيها و تضيع منك في دقيقة .. قال يا رب .. و نــام زي كُل يوم .. علي ذكري صور .. و ورقة بتقول وحشتني  ..

انا واحدة عاديہ - لـِ شيري محمد

الحلقة 8 من سحر إسود

إترسمت علي وشي معالم الخوف و الرُعب .. و سكــت .. مش فاهمة حاجة .. مش عارفة حاجة .. و فجأة .. محستش بنفسي ولا بأي حاجة .. وقعت و إغمي عليا ..  شُفت ماما بتقولي مش قُلتلكـ إجري .. و سمعت صرخة .. بعد كده فقت علي صوت صاصو ..

صـاصو " مي .. فوقي .. مي .. مـــــــــي "
و رش مياه علي وشي تاني .. بدأت أحركـ عيني ..
و قال صاصو " الحمد لله .. الحمد لله .. إنتي كويسة .. ؟ "
هزيت راسي بمعني إني كويسة .. عدت لحظات من السكوت .. دارت عيني فيها في كُل مكان حواليا ..
صـاصو " جـيري جريت .. معرفش راحت فين "
مي " صـاصو .. هو إيه اللي بيحـصل "
سكـت صاصو و نظرات الألم في عينه ..
صـاصو " هدخل أغير هدومي بسرعة و جاي .. متتحركيش من هنا "

عدت لحظات قليلة حستها كـأنها سنين .. فــضلت أتفرج علي كُل حاجة حواليا من مكـاني .. المكان في الشمس غير المكان بالليل خـالص .. عيني جت علي صورة كبيرة متعلقة لأشخاص مش باينة ملامحهم من بعيد .. جاية أقوم أشوف الصورة .. جه صاصو بهيئة مختلفة تماماً .. لابس عادي زي أي حد .. من غير كُحل .. ولا حلقان .. اللي يشوفه ميقولش عليه من الإيمو خـآآلص .

خـرجت معاه من القـصر و أنا مستغربة .. و ببصله بإستغراب .. شاب ملامحه جميلة جداً .. شكله مستواه كويس .. ليه بيعمل في نفسه كده .. 

صاصو "أنـا عارف إنك مستغربة .. وكان نفسي أفهمك حاجة .. بس أنا مش هقدر "
مي " ليه مش هتقدر "
صـاصو " خـايف "
مي " من إيه يا مصطفي .. ؟ "
صـاصو " آآآآآآ ...... "
مي " من جيري ؟ "
صــاصو في خوف و عصبية " بصي يا مي .. مش هتفهمي .. ولا عُمرك هتفهمي .. واحدة زيك عُمرها ما هتفهم .. أنا لازم أمشي "

و مشي صـاصو بسـرعة و وقف تاكسي و ركب .. ما زلت مذهولة من كلامه .. مفكرتش حتي أمشي وراه بالعربية .. فـضلت مكاني لفترة طويلة .. متحركتش من مكاني غير لما حسيت إني هموت من الجوع .. بقالي مدة مأكلتش حاجة .. اللي حصل لـ لارا و اللي بيحصل دلوقتي نساني كُل ده ..

رُحت علي أقرب محل أكل موجود .. و اللي فاجئني لقيت صاصو هناكـ .. مش رايح ياكل .. ده شغال هناك .. وقفت عشان أطلب الأكل .. بس وقفت ساكتة .. عيني في عين صاصو و محدش فينا إتكلم .. عين صاصو كانت مختلفة .. كانت مليانة بالخوف .. بالحياة و الأمل .. مش الرُعب و البرودة زي لما بنكون مع بعض .. 

إتكلمنا إحنا الإتنين في نفس الوقت و قُلنا نفس الكلمة
" إنت بتلبس عدسات .. ؟ "
" إنتي بتلبسي عدسات .. ؟ "

بعد كده طلبت الأكل .. و قعدت أستني الأكل لغاية ما ييجي  .. لقيت مكتبة قدام محل الأكل خرجت جبت كراسة رسم .. و أقلام .. و رجعت و قعدت وكان لسه الأكل مجهزش .. إتعودت دايماً لما أبقي خايفة أو محتارة .. أرسم أو أغني .. عشان أتشغل شوية عن اللي مخوفني .. فضــلت أشخبط في الورق و مش عارفة أنـا برسم إيه ..
بعد شوية .. الأكل جه .. صاصو هو اللي كان جايبه مع إني حاسة إن ده مش شُغله ..
بصــيت للرسمة اللي رسمتها .. و بص صاصو للرسمة .. بعد كده بصينا لبعض و سكتنا من الذهول .. الرسمة كـانت لجيري .. مكانش ده اللي مخلينا مذهولين .. السبب كـان .. 

الحلقة 7 من سحر إسود

و قعدت تضحكـ جيري بـصوت عـالي .. و ضحكتها رنت في كُل حته في القــصر .. و فجأة ، لقت مي إيد بتهزها : مي .. مي .. إيه يا بنتي أنــا بكلمك ..

مي " إيه .. أنــا فين .. ؟ "
لوكا(لارا) " إحنـا في المستشفي .. إنتي نسيتي الحادثة .. العربية اللي خبطتني "
مي إتكلمت في ذهول" و فين جيري يا لارا .. " ؟
" و دي إيه اللي هيجيبها هنا "
" أنــا كُنت معاها في القصر يا لارا "
" بقولك إيه أنــا بخاف .. و بلاش تخوفيني بقي عشان أنـا خايفة من ساعة الحلم اللي حلمته "
" حلم إيه يا لارا "
" إيه لحقتي نسيتي .. إني شُفت جيري في المراية .. و مسكتك قلتلك بلااش جيري يا مي .. بلاش .. "
" لارا ده مكانش حلم .. "

سكت أنا و لارا بدخول الدكتور .. كانت لارا بتبصلي بفزع .. و أنـا قاعدة مش فاهمة حاجة .. اللي فاكراه إني كنت في القصر مع جيري و صـاصو ..
قمت .. مسكت تليفوني .. كلمت صاصو ..

مــي : إنتوا فين دلوقتي ؟
صـاصو : في القصر القديم ..
مي : إســتنوني أنــا جيالكم . .
صــاصو : حد معاكي ..
مي : لآ لوحدي يا صاصو ..
صــاصو : تمام مستنينكـ ..
مي : مصطفي .. الحوار ده محصلش بينا قبل كده ..
صاصو : إسمي صاصو متقوليش الإسم ده .. مستنيــنكـ .. 

و قفل قبل ما أقول أي حاجة .. و فعلاً نزلت و ركبت عربيتي و رحت ع القصر القديم .. كـانوا لوحدهم .. فـضلنا ساكتين .. مقطعتش أنـا السكوت زي المرة اللي فاتت .. جيري هي اللي قطعته و قالت في ثبات ..

جـيري " شُفتي أنـا أقدر أعمل إيه ؟ .. و محدش حس .. كأنه حلم .. صح "
" يعني .. كُل ده مكـانش حلم "
" أيـوة .. تحبي تجربي تاني " و إبتسمت جيري إبتسامة خبيثة
" لا بلاش يا جيري أرجوكي .. بلاش تاني .. بس أنــا عايزة أعرف .. إزاي ؟ "
" سحر .. بس سحر اللي يدخل فيه ميخرجش .. كُل حاجة بتمنها "
" و ليه أنـا اللي بشوف كل اللي بيحصل .. وليه لارا كمان بتشوف اللي بشوفه "
" اللي شاف الموت بس هو اللي هيحس بسهولة .. و إنتي شوفتي الموت في الحادثة بتاعة مامتكـ .. فاكرة .. ؟ "

فـلآش باكـ
مي .. و مامتها .. قاعدين بيضحكوا .. و ..

فجأة مي بتقول .. " كفاية .. متعمليش كده تاني مش عايزة أفتكر .. "
" خلاص براحتكـ أنــا قُلت أفكرك "
" طب و لارا يا جيري شافت الموت إزاي ؟ "
" كُل حاجة في وقتها يا ميرو .. متستعجليش "
" بس أنــا عايزة أفهم "
صرخت جيري بصوت مخيف رن في أرجاء القصر " قُلت كُل حاجة في وقتها "

سكت أنــا من الخوف .. و الرهبة .. مش فاهمة حاجة و عايزة أفهم .. بس خايفة أسـأل .. بعد لحظات من السكوت .. نادت جيري علي صاصو ..
أول مرة بجد أركز مع صاصو .. حسيت في عينيه خوف .. بيطيع أوامر جيري بدون نقاش .. و كأنه مغيب .. مسكت دماغي و ضغطت عليها بقوة .. معقول ده بيحصل ..

قُلت بصوت غير مسموع : " إزاي .. هو فيّ حاجة إسمها سحر .. ؟ "
إبتسمت جيري إبتسامة واسعة و قالت " أيــوة .. فيّ سحر "

إترسمت علي وشي معالم الخوف و الرُعب .. و سكــت .. مش فاهمة حاجة .. مش عارفة حاجة .. و فجأة ..............

الحلقة الـــسادسـة من : سحر إسود

مي : لما إختفت لارا إتفــزعت .. معرفتش أعمــل إيه .. جــريت فتحت باب الأوضة  ملقتش حد .. دخلت الحمــام ملقتهاش جوه برضه .. سمعت صوت لارا .. و سمعت صوت تاني معاها .. خرجت بره الأوضه أشوف إيه مصدر الصوت .. لقــيت لارا واقفة و علامات الفزع علي وشها .. و بتبص علي مراية .. محستش بيا خــالص .. فضلت أنــادي عليها و هي مردتش .. أول مــا لمــستها .. نطت من مكــانها .. بــصلـتي وقالت في فزع رهــيب ..

لارا :: بلاش جيري .. بــبلااااش يــا مي .. بلاااااااش ..
جت ممرضة علي صوت لارا و خدتها علي أوضتها .. فضلت الممرضة تقول كلام كتير كده .. بس أنــا مكنتش سـامعة .. كُنت بـفكر في الكــلام اللي قالته لارا ..
نزلت مـن المــستشفي و ركــبت عربيتي .. مش عايزة أروح البيت و لا عايزة أفــضل في المــستشفي .. معرفش إيه اللي خلاني أكلم جيري و صاصو

مــي : إنتوا فين دلوقتي ؟
صـاصو : في القصر القديم ..
مي : إســتنوني أنــا جيالكم . .
صــاصو : حد معاكي ..
مي : لآ لوحدي يا صاصو ..
صــاصو : تمام مستنينكـ ..

سُقت و رُحت ع البيت القديم .. مع إني خــايفة جداً من جــــــيري .. بس مش عارفة إيه اللي خلاني أروح .. فكرة غريبة في دماغي و ندمت عليها بجد .. !! لقيتهم مستنيني و كــانو لوحدهم .. قعدنـا سـاكتين فترة طويلة .. بعد كده قطعت الصمت و قُلت ..

مـي " جيري كُنتي قلتي حاجة قبل كده عن السحر تقريباً .. "
قام صــاصو و راح الحمــام .. و إتكلمت جيري
جـيري " أيوة كده يا مـيرو تعجبيني "
"كملي كلامك يا جيري .. عايزة أعـرف أكتر "

" بصي يا مـيرو .. اللي هقوله ده هيبقي سر بينا .. و أصــلاً لو قُلتي لحد محدش هيصدقك "
" ممم .. ها بقي قولي "
" السحر اللي هقولكـ عليه ده سحر تاني خـــآآآالص غير اللي بتسمعي عنه .. ده لو سمعتي أصــلاً .. تعرفي قصر الباروم إمبان ؟ "

" آه سمعت عنه .. ده تحفة "
" بيـقولوا السحر ده أخته اللي بدأته .. و إن بسبب السحر ده إنتحرت من شباك أوضتها من علي البرج المتحرك و من ساعتها البرج مبقاش يتحرك .. "
" و مفروض أصدق الكلام ده يا جيري .. قلبك أبيض بقي "

" ولا أنــا مصدقة .. بس ده اللي بيتقال .. اللي أعرفه إني صحيت في يوم لقيتني في القصـر ده .. و لقيت عندي قوة مش عند حد طبيعي .. و إنت بنفسك شُفتي حاجات غيرك مشفهاش .. و لارا "

و قعدت تضحكـ جيري بـصوت عـالي .. و ضحكتها رنت في كُل حته في القــصر .. و فجأة ..... 

---------------------------
ملحوظة * قصة أخت البارون مأخوذة من النت .. ولا علم عندي إن كــانت صحيحة أو خاطئة ..
لمزيد من المعلومات برجاء البحث عن قصر البارون إمبان 

الحلقة الخــامسة من : سحر إسود

لوكـا ( لارا) و هي بتبص في مراية العربية في ذعر : إنتي جيبتي عدسات زي بتاعة جيري ؟
مي في إستغراب : لأ .. جيري أصــلاً مبتلبسش عدسات .. 
لوكا : مي بُصـــيلي كده ..
مــي : مالكـ يا لوكا إتجننتي ولا إيه ؟
لوكا في عصـبية و فزع : وقفي العربية و بُصيلي يا مي ..

وقفت مي العربية في قلق و لفت و بصـــت لـ لوكـا
بصـــت لوكا في عين مي و حست بالخوف و الذعر .. و شافت مي صورة واحد واقف في المطار بيودع حد ..
مـي : ميين ده يا لارا(لوكـا) ؟
لارا : إنـ ـ ـ .. إنـــتي شــُفتيه .. 
مـــي بخوف :: آآيوة .. 

فــضلوا يبصوا لــبعض شوية في وسط إستغراب ميزو و سيمو

وفجـأة صرخت لوكا و فتحت باب العربــية و جريـــت في فزع و من غير ما تآخد بالها من الطريق .. كانت عربية جاية بــسرعة .. قامت خبطتها ..مـي بتصرخ :: لآااراااااااااا .. 
نزلوا كُلهم من العربية يــشوفوا لارا .. في دقايق كانت الإسعاف موجودة .. و آخدت لارا ع المــستشفي و هّم ورا عربية الإسعاف بعربية مي .. كُلهم مفزوعين و ساكتيـن من الصدمة .. 

وصــلوا المـــستشفي و فضلوا يلفوا شوية عشان يعرفوا حال لارا .. و عرفوا إنهم دخلوا لارا أوضة العمليات ..  بعد ساعة تقريباً جه والد لارا و هو رجل أعمــال كــبير أوي .. بس مش أكــبر من نادر الصيفي .. 
جت المباحث و فضلت تحقق معاهم ..

الظابط : ممكن أعرف اللي حصل بالتفصيل .. ؟
ميزو : إحنــا كُنا خارجين .. فجأة فــضلت تــقول كلام غريب و تصرخ .. إحنا وقفنا نشوف مالها .. فجأة فتحت باب العربية و جريت .. 
مـي : بس .. 
ميزو يقاطع مي : أيوة ده بس اللي حصــل ..
الظـابط : تمــام تقدروا تمــشوا ..

أول مـا خرجت لارا من العمليات دخلوها العناية و منعوا أي حد يدخلها ..
واقفة مي تبُص عليها من الإزاز بتاع الأوضة من برة .. و إفتكرت مي الولد اللي شافته لما لارا بصت في عينيها .. الأول الولد في المطـار و لارا بتودعه .. بعد كده صورة الولد و هو واقف مع لارا في محل دهب .. بعد كده نفس الولد في المطار و لارا بتعيط .. و بعد كده صورة الولد و هو في عربية و ميت ..
إفتــكرت فزع لارا وخوفها .. و فجأة شافت صورة جيري قدامها ع الإزاز .. بــتبصلها و بتضحك .. و فجأة إختفت جيــري .. و معاها إختــفت لارا ..

الحـلقة الرابعة من : سحر إسود

و أنــا نايمة شُفـــت حاجات غـــريبة أوي .. شُفت مــاما .. و إخواتـــي .. شُفت ناس غريبــة ..
و اللي خوفـــني .. إني شُفت جيــري بتضحكـــلي ضحكتها المخـــيفة دي ..
و قُمت من النـــوم مفزوعــة .. الـــساعة لسه 7 .. إزاي 7 .. أنــا نمت 10 دقايق بس .. هو إيه اللي بيـحصل ..

مــعرفتش أنــام تاني .. نزلـــت الجـــنينة لقيـــت حد قـــاعد عند البيـسين .. رُحت أشــوف مـــين .. لمــا قربــت لـــقيتها جـــيري .. زعــقت و قُلت .. جـــيري إيه اللي جــابكـ هنا ؟؟ و دخـــلتي إزاي .. ؟؟

إبتـــسمتلي جــيري إبـــتسامة باردة حسستني كأني جــبل تلج واقف .. لقــيت فجــأة إيد بتتحط علي كــتفي ببص لقيتها ماما .. 

إتفــزعت .. إزاي .. ماما ماتت و أنــا عندي 7 سنيــن ..
بـــصتلي مــاما بــ حنــان و قـــالت بصــوت مقطـع و ضـــعيف : إجــ ـ ـ ـري .. إجـــرري ..

أنــــا إتفزعت و جريت ناحية البيــت .. وصـــلت بـــسرعة و قفلت البــاب .. في مراية متركــبة جنب الباب .. عيني جت فيها ملقتش صورتي .. كـــانت جــــيري واقفة بــتضحكـــلي .. فجـــــــأة سمعــــت صوت ضحكــة جيـــري بترن في الـــبيت كُله ..
فــــضلت أصــــــــــــــــــــرخ بــــصوت عــــــــالي و أقـــول :: إبــــعدي عني إنتي عايزة مني إيه ..

 فجــــاة لقــــيت البـــيت كُله حوالـــيا .. بعد كده محـــستش بحاجــة .. ضــلمة و هدوء في كُل ناحية .. كُل اللي شايفاه جيــري واقفة بعيد بتضحكــلي .. بعد كده إختفـــت جيري من قدامي .. و إختفت كُل حاجة ..

بعد يومــين صحـــيت لـــقيت نفــسي فــي أوضــة كُل حاجة فيها لونها أبيض .. و لقيت واحدة واقفة جـــنبي بـــتقولي : حمد الله ع الســلامة يا قــلبي .. قلقتــينا عــليكـي ..  ... طلعت الواحدة دي بعد ما ركزت علياء مرات بابا ..

بعد كده ساعدتني علياء و نانــسي إني أقعد .. بعد كده قُلت :: هــو .. هــو إيـه اللي حــصل .. ؟!

لقـيت نانـسي بتـقول : إحنــا لقـــيناكي قاعدة عند المـــراية اللي عند البــاب اللي بيودي للجنينة و بتصـرخي و بتقــولي إبعدي عني .. سيبيني في حالي و بعد كده أغمي عليكي ..

حُسام : نـــوع جديد ده ولا إيــه يـــا مــيرو .. ؟؟ مش تقولــي آجي أضرب معــاكي .. اللي يضرب لوحده يتعب .. هههههههه ..

بصـــتلهم بــ قرف و سكــت .. بعد كده جــت كـــتيبة من الدكاترة و عملوا الواجــب و زيادة شوية .. و قعدت يــوم تــاني في المـــستشـــفي و بعد كده روحت .. يا دوب وصلت الـــبيت لقـــيت موبايلي مليان رسايل و رنات من إصحــابي ..

 لبست بسرعة و أنــا قاعدة قدام المراية بظبط شعري و بحط مكياج .. لقـيت قُدامي واحدة تانية مش أنــا .. لقـــيت جيـــري بنــفس إستايل شعري و لونه .. و نفـــس لبسي و نفــس المكياج اللي أنــا حطاه .. بس الفـــرق إبتسامتها المرعـــبة المرســومة بوضوح في المراية .. متحركـــتش من مكــاني .. مديت إيدي و لمـــست الصورة اللي فــي المـــراية .. و اللي خلاني أقرب أكتر من المراية .. إن ملقتش أي إنعكــاس لإيدي في المراية .. و فجــاة إنفتح باب أوضتي ..

 بصـــيت ناحية الباب لقيت نانسي .. ببص في المراية لقيت صورتي عادي .. شيلت إيدي من ع المراية .. و قلت : فيّ حاجة إسمها نخبط ع الـباب ..
نـانسي بــ لا مبالاة :: sorry ... ميزو و لوكا و سيمو تحت عايزيــنكـ ..
مي :: لوحدهم ؟؟
نــانسي : لأ معاهم الـــعفاريت .. و ضحكت بصــوت عالي و خــرجت ..

نزلـــت لقيتهم قاعدين .. إستـــقبلوني إســـتقبال حــار جداً ,, و عرفت إنهم كانوا ممنوعين إنهم يجولي المســتشفي .. أصــل وجودي فيها كان سري للغاية .. و بابا مكانش عايز حد يعرف حاجة ..

و بعد كده طلعت خدت شنطتي .. و بــصيت في المراية .. لقيت صورتي عادي .. بعد كده نزلت .. ركبــنا العـــربية بتاعتي و سابوا عربياتهم عندي في البيت ..
مي : ما هو جراج أبوكوا هو .. وقعدنا نضحكـ ..
بعد كده قالت لوكا ( لارا) في فزع :: إيه ده يا مي .. ؟
مي : إيه .. مالكـ يا سايكو ؟
لوكـا ( لارا) و هي بتبص في مراية العربية في ذعر : ............ 

الحلقة الثالثة من : سحر إسود

بعد إســـبوع رجع بابا و علياء .. أو ما شافني قال : إيــه ده ؟
أنـــا : إيه فيّ إيه ؟
بابا : إيه القرف اللي انتي عملاه في نفــسك ده ؟أنـا : بابا بلاش الجو القديم ده و فكك مني .. عايزة فلوس ..
بابا : هحولكـ فلوس علي حسابكـ
أنـا : قشطة .. سلام

و مـــشيت و ركـبت عربــيتي .. و مكنتش عارفة أروح فين .. كلمت ميزو قالي أروحلهم علي عنوان كده .. و هلاقيهم كلهم هناك ميزو و سيمو و لوكا و صاصو و جيري .. المكان كان واقع أوي .. ركنت عربيتي في مكان كده و خدنا صاصو و جيري في المكان ده .. 
المكان عُبارة عن قـــصر كـــبير أوي .. حواليه سور عالي جداً .. و القصر شكله مهجور و محدش ساكنه .. مع إنه تحفه من تُحف الزمن .. دخلنا و قعدنــا ..

صــاصو :: إيه رأيكــوا بقي يا جماعة مكان يهوس .. صح ..
أنـا : ده مكان واقع زيك كده ..
و قعدنا نضحك كلنا .

لوكا : يلا بينا نمشي من هنا ..
ميزو : إيه يا لوكا .. الجنان هيشتغل ولا إيه ..
لوكـا : أنا مش مستريحه للمكان ده ..
أنا : يا لوكا أصلاً من إمتي إنتي بترتاحي لحاجة .. بطلي يا سايكو اللي انتي فيه ده و أقعدي بدل ما أضربكـ ..

شغلت جيري أغــاني .. و قعدت جنــبي و قالت بصوت عالي :: حد فيكم بيصدق في السحر الإسود  .. ؟
سيمو : أيوة بقي ..  شغل مراجيح مولد النبي هيشتغل xD .. بطلي هبل .. بطلي شُرب و إنتي هتبقي زي الفُل xD
وقعدنا نضحكـ .. 

جيري بصت لصاصو و قالت : لسه محدش فيهم جاهز ..
و فجأة بصتلي و قالت : مع إني حاسة يا ميرو إنك جاهزة و حسيتي بكُل حاجة .. 
بصتلها في إستغراب : قصدك إيه يا جيري .. ؟!
جيـري : لا ولا حاجة يا ميرو .. بس علي فكرة مامتكـ زي القمر .. 
أنــا : إنتي شُفتي مامي إزاي ..
سيمو : إيع شُفتي مامي إزاي .. و مين في البلد ميعرفش مامتكـ .. ? 
جيري : أنا معرفهاش .. و هي عارفة كويس أنا شُفت مامتها فين ..
و ضحكت ضحكة خبيثة .. خليتني أحس بالخوف للحظات .. فضلنا نبُص لبعضنا شوية .. و بعد كده قمت و قعدت مع ميزو و لوكا .. و سيبت سيمو مع جيري و صاصو ..

قعدنا هناك لغاية الفجـر .. و بعد كده كُل واحد مشي وروح بيـته ...
طول الطريق و أنـا بفكر في جيري و صاصو .. و إن في حاجة غريبة وراهم ..
روحت البيت قعدت في السرير معرفتش أنــام .. فتحت الـ لابتوب بتاعي و فتحت النت و لقيتي بعمل search علي السحر الأسود 

السحر الأسود أو السحر المظلم هو شكل من أشكال الشعوذة التي تعتمد على القوى الحاقدة أو الخبيثه المفترضة.السحر يمكن التذرع به واستخدامه للقتل وللسرقة، وللإيذاء وايضآ ليسبب سوء حظ أو التدمير، أو لتحقيق مكاسب شخصية دون النظر إلى الآثار الضارة للآخرين. إذا نظرنا إلى "السحر الأسود" كمصطلح سنجد أن، هو الذي يستخدم عادة لوصف شكل من أشكال الطقوس التي لا يوافق عليها البعض كجماعات أو كأشخاص. ليس كل ما يسمى السحر الأسود حقا لديه نوايا خبيثة من وراء ذلك .

مش فاهمة برضه ليه جيري كانت بتتكلم عن السحر الاسود .. و ليه قالت إنهم مش جاهزين .. و ليه أنا اللي بس جاهزة .. مش عارفة إيه اللي بيحصل .. حاسة بالخوف من جيري و صاصو .. بس فيّ حاجة بتشدني ليهم و مش قادرة أبعد .. هو إيه اللي بيحصل .. و نمت من كُتر التفكيـر .. 

الحـلقة الثانية من : سحر إسود

مفـــروض مع نظرات النـــاس كُلها لـــيا كُنت أبطـــل ضحكـ .. لا بالعــــكس أنـــا زاد ضحكـــي و بقي هبل xD
قــربت مني جــــيري و قالت : صــدقيــني يا ميرو .. مع الوقـــت هتندمـــي ..

وفي نفس الوقت إشتغلت المزيكــا 

بـــصتلها بكُل عصـــبيه و كُنـــت خلاص ههزأها عشان بـــتكلمي بالطــــريقة دي .. شدني ميــــزو من إيدي .. و نزل بـــيا تحـــت .. كُنت واقـــفة باكل في نفـــسي زي ما بيقولوا .. إزاي واحدة زي دي تكلـــمني كـــده .. مـــش عارفة الفرق بيني و بينها ولا إيه .. 

جه صاصو و قال :: سوري يا ميرو .. جيري شكلها عاملة دماغ عالـــية أوي .. متزعــليش .. أنــا هتصــرف معاها ..
مي : خلاص يا مصطفي عشان خاطرك بس
صاصو :: مصطفي إيه .. وطي صوتكـ .. إسمي صاصو
مي : مـــاشي يا عم صاصو
صاصو : بقولكـ إيه يا ميرو .. لو جــايين معايا تاني يبقي لازم تغيروا إستايل لبسكم ده شوية .. 
مــي : إزاي يعني .. ؟
صاصو :: يعني تلبسوا بلاك و جماجم .. زي الإيمـو يعني .. عــشان هنا مبيحــبوش الدخلاء .. و سكتوا بس عشان خاطري

و ميزو دخل في الحوار
ميزو : بقولكـ يا صاصو .. إنت بارد كده علي طول .. << أصــل صاصو و جـيري بيتكلموا ببرود أوي .. زي الأموات .. مع تقطيع في الكلام .. تحسوا إن لسانهم تقــــيل ..

بصــلوا صاصو بإحتقار و قال : زي ما سمعتيني يا ميرو .. و إلا صدقيني مش هعرف أدخلكم معايا تاني .. have fun 

و مـــشي صاصو و ســـابنا إحنا نكتـــشف المكــان .. كـــــانت حفلة Super بجد .. تحـــــــــــفة .. النــار و النـــاس .. و الأغاني و حتي المشــروبات .. حاجة غير أصـــلاً ..

ســيمو : بقولكـ إيه يا ميرو أنــا دايسة هنا كُل يوم ..
مي : قشطة و أنــا معاكي .. أنــا و ميزو :)

نده عـــلينــا صاصو و قالنــا يلا عشان نمــشي .. ركــبنا العربيــة و طلعنـــا معاه .. مظهر صاصو بهت أوي علي عربيته .. شكلها زيه كده .. كئيبة و غامضة و فيها حاجات غريبة و تضحك .. جيري كانت بتبصلي في المراية طول الوقت .. كُنت حاسة إن عينيها هتخترقني .. كانت عينيها مش عادية .. حســـيت بالخوف لما ركزت في عينيها .. و كــأنها كائن تاني .. مش جيري .. 

مـي : جيري هو إنتي لابسة عدسات ..
جــيري ببرود : ولا عُمري جربتها ..
مي : أصــل عينيكي شكلها غريب .. 
جـيري : تلاقيـكي تقلتي في الشُـرب ..

جاي صاصو يتكــلم .. بصـــتله جيري راح ساكت .. شكل جيري ليها تـأثير كبير علي صاصو .. 
وصــلت البيت غيرت هدومي و قلت هنام .. جيت أنـام معرفتش .. إفتكرت كلام جيري و صاصو عن السحر .. و شكــل عيون جيري المخيفة .. و فجــاة بدأت في ضحكـ هستيري و قلت في نفسي : إيه الهبل ده .. سحر إيه و هبل و فراغ إيه .. و رحت في النوم علي طول .. 

من تـــاني يوم غيرت إستايلي و بقيت ألبس زي صاصو و جيري .. كنت شبهم بالظبط .. بس الفرق إنهم باردين شوية .. و بقي ده إستـــايلي دايمـاً و عرفت إن والدي العزيز أخد علياء إمبارح و سافروا .. شئ لذيذ .. 

كُل يوم سهرات .. حفلات .. حاجات غريبة كـــتير مع صاصو و جيـري .. 
اللي لفت إنتباهي أوي في مرة كُنا واقفين نتكلم مع صاصو .. ركزت في عينيه .. حسيت بالبرد .. حـــسيت إن عينيه ميته .. حســـيت بخوف زي اللي حســيته لما ركزت في عيون جيري .. نقلت نظري لعيون جيري .. حســـيت بالرعب أكـــتر .. حســـيت بالضلمة .. و شفت صورة ماما في عيونها .. مســكت دماغي و قلت بصوت عالي : شكلي كده شربت كـــتير

فـــضل الكُل يضحك .. حتي أنــا .. مع إن الرُعب كان مسيطر عليا ... ليه شفت صورة ماما .. ليه بـــشوف الرُعب و الخوف في عيونهم .. يا تري همّا مين ولا جُمّ منين .. و إيه حكايتهم ..

بعد إســـبوع رجع بابا و علياء .. أو ما شافني قال : إيــه ده ؟
أنـــا : إيه فيّ إيه ؟
بابا : .............................

الحلقة الأولي من : سحر إسود

أنـــا مــش مجـــنوتة ولا مـــريضة .. أنـــا كويـــسة جداً .. بس المشــلكة اللي حواليا مش مصدقين .. أنــا دلــوقتي عــاقلة كـــتير .. حــاجة غــريبة دخلـــت حـــياتي و غـــيرتــها مش أكـــتر .. بس فــيّ نــاس مبتحبش إنك تتغير أو تحــاول تتــغير .. أنــا هثبت إني أكـــتر واحدة عــائلة في البيـــت ده .. أنــا هثبت إن دي حقيقة مش خيــال .. كُل حاجة هتبان كأنها سحــر .. بس هو أصلاً فيّ حاجة إسمها سحر .. ؟!

الحكــاية بدأت من سنتـين كده .. لما كُنت أتفه من التفاهه نفسها .. محدش يستغرب إني بقول كده علي نفـسي .. أصل دي الحقيقة .. 

كانت كريمة عائلة الصيفي بين قوسين (أنـا) .. مي نادر الصيفي .. لسه متخرجة من كلية الفنون الجميلة .. و إتعملت أكبر و أعظم حفلة فـي مصر لتخرج إبنه نادر الصيفي صاحب أكبر كُل حاجة في البلد ..
حفلة كانت بتجمع أكبر رجال الدولة " و عيالهم " .. و فجأة إتحولت الحفلة .. لكبار الدولة فقط و إختفي العيال ..
طلعنا ع الساحل و بدأت الحفلة الصح بقي .. خمور و مخدرات و كُل ما لذ و طاب xD
و حان الآن الوقت للتعرف علي أصدقاء الجمال أوي دول :)

مازن ( ميزو ) : كان خطيبي من سنتين .. و مكملناش مع بعض شهرين .. سبب الخطوبة والدي .. السن 25 سنة .. فاشل سياسة و إقتصاد .. و بيعدي بالكوسة 

سلمي ( سيمو ) : أنتيمتي منذ الصغر .. تتمتع بنسبة غباء لا تحسد عليها .. السن 21 سنة .. إتخرجت معايا و الحمد لله ..

لارا ( لوكا ) : سايكو و مجنونة .. عشان كده بنقولها يا لوكا .. السن 22 سنة

مصطفي ( صاصو ) : لسه متعرفين عليه و إحنا مسافرين الساحل .. من الإيمو .. غامض و مريب و معنديش معلومات عنه

جيرمين ( جيري ) : صاحبة صاصو و معاه دايماً .. منعرفش إيه علاقتهم ببعض .. من الإيمو .. تحس إنها عاملة حاجة و مستخبية

دول أصحابي اللي دايماً معايا مع إني أعرف غيرهم كـــتير .. عدت حفلة عادية شُرب و رقص و قرف .. رجعت البيت بعد يومين
حفلة بقي .. و الطبيعي محدش إتكلم ..

رجعت البيت لقيت رامي و علياء بس اللي موجودين .. حاولت بقدر الإمكان مشوف علياء خاااااالص
دخلت رامي أوضته عشان أقعد معاه شوية

رامي :: إيه ده  .. ميويتي أخيــراً جيتي .. وحشتيني .. إيه الغيبة دي كُلها ..
مي : و إنت كمان واحشني ياض يا مورو .. إيه اللي مقعدك في البيت .. مش عوايدك أشوفك في البيت في الإجازة ..
رامي :: لأ أنا لسه راجع من شويه .. كُنت عايزك في موضوع كده 

مي : عايز إيه يا سوسه يا صغير إنت .. أكيد البت بيري بتاعتك اللي قرفاني دي .. مالها قول
رامي :: يا سلام عليكي يا ميرو يا فاهماني إنتي ..

قعد رامي يتكلم .. بس أنا كُنت سراحانة في حاجة .. كُنت بفكر في صاصو و جيري .. و قد إيه كلامهم كان غريب .. تحس إنهم بيتكلموا لغه تانية .. و فجـأة قمت من مكاني
مي : مورو .. بس نكمل كلامنا بعدين ..

و مسكت موبايلي و إتصلت ب صاصو ::

صاصو إزيك عامل إيه .. 

بقولك إيه رأيك نخرج النهارده .. 

مش عارفة نروح فين إختار إنت .. تمام .. هبعتلكـ عنوان البيت تيجولي .. قشطة .. علي 9 كده .. سلام

بعد ما كلمت صاصو كلمت سلمي و قلتلها علي الخروجة ,, طبعاً قعدت تقولي إنتي مجنونة .. إنتي هتخليهم إصحابنا ولا إيه .. و قالتلي هتجيب ميزو و تيجي .. مع إني مكنتش عايزة .. بس قلت يلا .. أهو يفك عن نفسه شويه

دخلت نمت و مصحتش غير علي الساعة 8 .. قفشت فلوس من خزنة بابا .. ونزلت لقيت صاصو و جيري مستنين .. عدينا علي سيمو و لقيت ميزو معاها .. قالهم صاصو يسيبوا عربياتهم و يركبوا معانا عربيته .. ركبوا و خرج صاصو من القاهرة .. و فضل يمشي كتيير أوي .. لغايه ما وصل مكان كده و دخل وسط الصحراء .. لقينا هناكـ نار و مسرح و ناس كتير شبه صاصو و جيري ..

كانت حفلة جامدة أوي .. كان واضح أوي إن صاصو ليه كلمة علي اللي موجودين و إنهم كلهم عارفينه .. وقف صاصو علي المسرح و بدأ يتكلم كلامه كان غريب ,, و الأغرب إنهم فاهمينه
نده صاصو علينا و خلانا نطلع ع المسرح .. قال صاصو بـ صوت هادي :: بتصدقوا في السحر .. ؟؟
بصينا كُلنا لبعض .. كلهم قالوا آه .. طبعاً في سحر ..
ضحكت أنــا بصوت عالي .. خلي كُل الأغاني تقف .. و الناس كلها تبصلي .. و قلت :: إنت مجنون يا إبني إنت وهي .. عبط إنتوا ولا عبط .. بطلوا هبل شوية .. بلا سحر بلا هبل .. و قعدت أضحكـ ضحكـ هستيري

و ندمت بعد كده إني ضحكت ..

ســـحر أســـود

الـــبداية

الدكــتور : إحــكــيلي عن حــالتكـ .. بتحـــسي بــ إيه ؟؟هــي : بـــس أنــا مش مــــريضة عـــشان أحــكيـــلكـ عن حــالتــي .. !!
الدكـــتور : كُل مريـــض بـــينكـــر مرضه .. و لــو مكنـــتيش مريـــضة مكــانش جــابوكــي هنــا ..

هــي : مــش يمــكن اللــي جــابــونــي هنــا همّ اللي مـــرضي .. !!
الدكـــتور : من فـــضلــكـ إحــكيـــلي عــن حــالتــكـ
هــي : و أنــا مش هتــكلم طــول مــ إنت بتــعاملــني علــي إني مـــريضــة .. !!
الدكـــتور : خلاص يــا ستـــي مــش مريـــضة .. ممكــن تحـــكيلي عــن حــالتكـ
هــي : ....
الدكـــتور : طب خـــلاص نـــتكــلم وقـــت تــاني ..


بره الأوضه ..
الدكـــتور : للأســف يــا جـــماعة حـــالتــها متــأخرة .. و أظن لازم نحجــزها لحد مــا نفهم الحكــاية بالظــبط ..
رجل : هـي هتروح معــانا البيـــت .. و هـــنبقي نجــباهلكم كُل يــوم
الدكـــتور : بـــس
الرجــل : مـــفيش بـــس .. مـــركـــزي ميسمحش إنها تقعد هنــا ..
الدكـــتور : أوامـــر سيــادتكـ

----
هـــي في دمــاغهــا :: أغبيــاء .. فـــاكرنــي مريـــضة .. بس همّ المرض اللي عــامي عنيهم .. أنــا مـــي نــادر الصـــيفي .. والــدي بـــيشتغل في منصــب عــالي فــي الدولــة و كــمان في مجــلس الشعب ..

معـــروفة عيـــلة الصـــيفي بــ إنهـا غنــية و ذات نفوذ .. ولو لا قدر الله حـــصل أزمة فـــي مصــر .. مش بتأثر الأزمة دي ع العيلة خــالص .. عندي 3 إخــوات " زي الســم " .. مــاما مــاتت و أنــا عندي سبع سنـــين .. و عـــايشة طبعــاً مع بابا و إخواتـــي و مرات بابا اللي أنــا أطيــق العما ولا أطيـــقها

هـــي بـــصراحة عـــيلة زي الفـــل خــالص .. أنــا بتـــريق طبــعاً .. أنــا دلوقـــتي عندي 23 سنـــة .. كـــبيرة صح .. حكــايتي بدأت من سنتـــين .. حكــايتي ممكن تكــون عادية .. زي ما بتـــشوفوا في الأفلام .. الأغنيــاء المدلعيــن اللي ضاربين الدنـــيا طنــاش .. انــا كُنت كده .. لغاية مــ حـــصل اللي حـــصل

و إتـــشقلـــبت حـــياتي .. و عقـــلت .. غريبة صح .. يــمكن حكــايتي ملهــاش 300 لازمة .. بس لازم حد يعـــرفهــا .. و إلا ممكن تتـــقلب الآية و يكون حد تــاني مكــاني .. !!


أحــب أعرفكــم بــ عائلتي المكرمة بالتفـــصيل

حُـــسام نــادر الصـــيفي 24 سنــة ==> " خمـــورجي البـــيت " كُل يوم ولا يــومين يـــرجع البـــيت سكـــران و حالته زي الطيـــن .. بس ميــن يـــكلمه .. فـــــــاشل تجــارة

نــانـــسي نــادر الصــيفي 20 سنــة ==> مـــلهــاش غـــير كــام بنت تعرفهم وبـــاقي إصحــابها ولاد .. كُل يوم سهر و بارتي و شرب و عــادي خــالص .. أصـــل بابي عــادي و معندوش مشكــلة .. مذيــعة إن شاء الله

رامــي نــادر الصـــيفي 18 سنـــة ==> تـــقدروا تقـــولوا البيت كُله مش بيرفضله طلــب .. آخر العنــقود .. أنــضفهم .. بس بـــرضه كُل اللي بيعملوه طايله .. ســاقط ثانوية عــامة و عدي بالفـــلوس

أنــا .. مــي نــادر الصـــيفي ==> مــــفرقش مــللي واحد عن إخواتـــي .. بس ده زمــان .. رســــامة فـــاشلة .. و مغنية فـــاشلة برضه XD

عـــلياء 27 سنــة ==> مـــرات بــابــا .. كــان متجوزها الأول منظرة .. بس بعد كده حبها

نــادر الـــصيفي ==> اللي مبوظ البــــيت

و هــا القدر يـــلعب لعبته الدنيئة و يغير أصـــول هذا المنــزل العــــريق مـــنزل عـــائلة الصـــيفي .. و يعــــلن نُضج و نـــضافة أحد أعضائه " بين قوسين (( أنـــا)) .. أنــا واخدة الحـــكاية لعـــبة شوية كــما هو واضح

أو بـــمعني أصح كُنت وخداها كده  .. حــــتي حدث ما لم يكن في الحســـبان
و بعيــداً عن الحـــسبان و الكـــلام اللي ممنوش أي لازمة ده .. هحــكيلكم بدأت الليلة الكـــبيرة ده إزاي ..

زي مــا قُلت الحكاية بدأت من سنتين .. إزاي بدأت و إيه اللي حـــصل بـــقي .. هو ده المـــوضوع .. بس ده مش هينفع دلـــوقتــي .. ده محــتاج يــوم من أوله .. و أنــا لازم أنــام .. عشـــان بُكره هروح للدكتور .. هأ .. عـــيلة مُتخلفة